श्रीनृसिंहसरस्वतीप्रार्थनाष्टकम्
Read श्रीनृसिंहसरस्वतीप्रार्थनाष्टकम् in its original Devanagari text, with source attribution, copy, download and print options.
श्रीनृसिंहसरस्वतीप्रार्थनाष्टकम् श्रीवासुदेवानन्दसरस्वती
।। श्रीनृसिंहसरस्वतीप्रार्थनाष्टकम् ।।
ऋतकृत्स्वगिरोsमरोsभवद् द्विजपत्न्यास्तनयोsपि योsभवः।
स नृसिंहसरस्वती यतिर्भगवान् मेsस्ति परा वरा गतिः।।१।।
प्रणवं प्रपपाठ जन्मतो विजहाराल्पदशोsपि सन्मतः।
स नृसिंहसरस्वती यतिर्भगवान् मेsस्ति परा वरा गतिः।।२।।
मृतविप्रसुतं व्यजीवयद्य उ वंध्यामहिषीमदोहयत्।
स नृसिंहसरस्वती यतिर्भगवान् मेsस्ति परा वरा गतिः।।३।।
स्वतनुं यतये व्यदर्शयद्-द्विजगर्वं बुरुडाद्व्यनाशयत्।
स नृसिंहसरस्वती यतिर्भगवान् मेsस्ति परा वरा गतिः।।४।।
प्रददौ हि मृतप्रियस्त्रिया अपि सौभाग्यमु यन्नमस्क्रिया।
स नृसिंहसरस्वती यतिर्भगवान् मेsस्ति परा वरा गतिः।।५।।
स्वमुदेsभवदन्नवृद्धिकृत् सुवशायाsपि वंशवृद्धिकृत्।
स नृसिंहसरस्वती यतिर्भगवान् मेsस्ति परा वरा गतिः।।६।।
द्रुरकार्यपि शुष्ककाष्ठतः कुसुरौ येन शुची च कुष्ठतः।
स नृसिंहसरस्वती यतिर्भगवान् मेsस्ति परा वरा गतिः।।७।।
अमराख्यपुरे च योगिनीवरदो योsखिलदोsस्ति योगिनीः।
स नृसिंहसरस्वती यतिर्भगवान् मेsस्ति परा वरा गतिः।।८।।
।। इति श्री प. प. श्रीवासुदेवानन्दसरस्वतीविरचितं श्रीनृसिंहसरस्वतीस्तोत्रं संपूर्णम् ।।
श्रीनृसिंहसरस्वतीप्रार्थनाष्टकम् — sa.wikisource.org contributors
Adaptation: the source HTML was converted to plain text and line breaks were normalised. An Aarti extracted from a collection omits draft editing prompts and reference-number markers. Attribution and the same licence accompany text downloads. Original-script text is supplied; an English translation has not been added.
Texts can have traditional variants. Specialist text and language review remains pending. Statements within a hymn reflect its devotional tradition and are not a guarantee of health, wealth or another outcome.