श्रीजगदम्बिकास्तोत्रम्
Read श्रीजगदम्बिकास्तोत्रम् in its original Devanagari text, with source attribution, copy, download and print options.
श्रीजगदम्बिकास्तोत्रम् श्रीवासुदेवानन्दसरस्वती
।। श्रीजगदम्बिकास्तोत्रम् ।।
ऐन्द्र्यादिशक्तिसहिता याऽजयन्महिषासुरम्।
-हीं बीजजापितुष्टां तां महाशक्तिं नमाम्यहम्॥१॥
क्लीं बीजरूपिणीं देवीमरारिविनाशिनीम्।
चामुन्डां मुण्डदमनीं तुलजापुरवासिनीम्॥२॥
मुन्डमालालसद्देहां मोहान्धतमसापहाम्।
डाकिन्यादिकृतार्तिघ्नीं प्रणमामि महामतिम्॥३॥
यैर्यत्रामसकृद्गीतं ते सर्वार्थयुजोऽभवन्।
विच् नित्यं विरागश्च यत आशु लभेन्नृणाम्॥४॥
चेतनारूपतो याऽऽस्ते सर्वभूतेषु ताम् भजे।
प्रसीद देवि सततमपराधान् क्षमस्व मे॥५॥
।। इति शी.प.प.श्रीवासुदेवानन्द सरस्वतीविरचितं श्रीजगदम्बिकास्तोत्रम् संपूर्णम् ।।
श्रीजगदम्बिकास्तोत्रम् — sa.wikisource.org contributors
Adaptation: the source HTML was converted to plain text and line breaks were normalised. An Aarti extracted from a collection omits draft editing prompts and reference-number markers. Attribution and the same licence accompany text downloads. Original-script text is supplied; an English translation has not been added.
Texts can have traditional variants. Specialist text and language review remains pending. Statements within a hymn reflect its devotional tradition and are not a guarantee of health, wealth or another outcome.