श्रीव्यंकटेशस्तोत्रम्
Read श्रीव्यंकटेशस्तोत्रम् in its original Devanagari text, with source attribution, copy, download and print options.
श्रीव्यंकटेशस्तोत्रम् श्रीवासुदेवानन्दसरस्वती
||श्रीव्यंकटेशस्तोत्रम् ||
यो लोकरक्षार्थमिहावतीर्य वैकुंठलोकात्सुरवर्यवर्यः।।
शेषाचले तिष्ठति योsनवद्ये तं व्यंकटेशं शरणं प्रपद्ये।।१।।
पद्मावतीमानसराजहंसः कृपाकटाक्षानुगृहीतहंसः।।
हंसात्मनादिष्टनिजस्वभावस्तं व्यंकटेशं शरणं प्रपद्ये।।२।।
महाविभूतिः स्वयमेव यस्य पदारविंदं भजते चिरस्य।।
तथापि योsर्थं भुवि संचिनोति तं व्यंकटेशं शरणं प्रपद्ये।।३।।
य आश्विने मासि महोत्सवार्थं शेषाद्रिमारुह्य मुदातितुंगम्।।
यत्पादमीक्षन्ति तरन्ति ते वै तं व्यंकटेशं शरणं प्रपद्ये।।४।।
प्रसीद लक्ष्मीरमण प्रसीद प्रसीद शेषाद्रिशय प्रसीद।।
दारिद्र्यदुःखादिभयं हरस्व तं व्यंकटेशं शरणं प्रपद्ये।।५।।
यदि प्रमादेन कृतोsपराधः श्रीव्यंकटेशाच्छितलोकबाधः।।
स मामव त्वं प्रणमामि भूयस्तं व्यंकटेशं शरणं प्रपद्ये।।६।।
न मत्समो यद्यपि पातकीह न त्वत्समः कारुणिकोsपि चेह।।
विज्ञापितं मे शृणु शेषशायिन् तं व्यंकटेशं शरणं प्रपद्ये।।७।।
व्यंकटेशाष्टकमिदं त्रिकालं यः पठेन्नरः।
स सर्वपापनिर्मुक्तो व्यंकटेशप्रियो भवेत्।।८।।
इति श्री प. प. श्रीवासुदेवानन्दसरस्वतीविरचितं श्रीव्यंकटेशस्तोत्रं संपूर्णम्।।
श्रीव्यंकटेशस्तोत्रम् — sa.wikisource.org contributors
Adaptation: the source HTML was converted to plain text and line breaks were normalised. An Aarti extracted from a collection omits draft editing prompts and reference-number markers. Attribution and the same licence accompany text downloads. Original-script text is supplied; an English translation has not been added.
Texts can have traditional variants. Specialist text and language review remains pending. Statements within a hymn reflect its devotional tradition and are not a guarantee of health, wealth or another outcome.